Yardım çağırışına müsbət cavab verdik
Qurban bayramı ərəfəsində “Güvən” İctimai Birliyi aztəminatlı və əlilliyi olan ailələri təbrik etmək məqsədilə ərzaq qutularının hazırlanmasına dəstək olmaq üçün çağırış edib.
“OBA” marketlər şəbəkəsi olaraq bu çağırışa müsbət cavab verərək yardımlaşmağı özündə ehtiva edən Qurban bayramında “Güvən” İctimai Birliyi ilə birgə Cəlilabad rayonunda xeyriyyə layihəsi həyata keçirərək uşaqlara və ailələrə bayram sevinci bəxş etdik.
Layihə çərçivəsində ailələr və uşaqlarla yaddaqalan gün keçirilib. Ziyarət zamanı onlara müxtəlif oyuncaqlar, ailələrinə bayram sovqatları və müxtəlif hədiyyələr təqdim olunub.
Layihənin əsas məqsədi təkcə uşaqlara bayram sevincini yaşatmaq deyil, həm də onların həyatında unudulmaz, mənalı və xoş xatirələr yaratmaqdır. Həmçinin balacaların və valideynlərinin üzündə təbəssüm yaratmaq, onların Qurban bayramını sevinc dolu bir bayram kimi keçirmələrinə dəstək olmaqdır.
Xatırladaq ki, “OBA” marketlər şəbəkəsi olaraq həyata keçirdiyimiz bütün layihələrdə müştərilərinin məmnuniyyətini, onların sevincini əsas prinsip olaraq prioritet seçmişik. 1600-dən çox filialı ilə müştərilərinə xidmət göstərən marketlər şəbəkəsi hər bayram sosial məsuliyyət layihələri vasitəsilə sevinc və xoşbəxtliyi paylaşmağı ilə tanınır.
