2018-ci ildən başlayan hekayə..
Müasir Azərbaycan qadını təhsil, iş, sosial münasibətlər və ailə həyatının mükəmməl və əskiksiz vəhdətini yaşamaqla dünya qadınlarına hər mənada örnəkdir.
“OBA” marketlər şəbəkəsi olaraq qadınların cəmiyyətdəki rolunu göz önünə gətirmək, onların iqtisadi azadlıqlarının önəmini vurğulamaq məqsədilə daim qadın əməkdaşların yüksəlişinə dəstək oluruq. Bu məqsədlə “OBA”da çalışan və uğurlu karyera yüksəlişi əldə etmiş xanım əməkdaşlarımızın iş və həyat hekayəsini paylaşaraq bu yola başlamaqda tərəddüd edən qadınları ilhamlandırmaq, onlara öz uğur hekayələrinin müəllifi olmaq fürsətini xatırlatmaq istəyirik.
“Qadının gücü” layihəsinin budəfəki müsahibi 2018-ci ildə karyerasına “OBA”-da başlayan Züleyxa Muxtarovadır. O, hazırda mentor administrator olaraq çalışır, yəni bölgə müdiri olmağa namizəddir. Deyir çox insan düşünür ki, qadınlar çətin işlərin öhdəsindən gələ bilmir. Lakin işində göstərdiyi yüksək performansla qəlib fikirləri qırmağa nail olub.
