“OBA” marketlər şəbəkəsi qazilər üçün futbol turniri təşkil etdi

Veysəloğlu Şirkətlər Qrupuna daxil olan “OBA” marketlər şəbəkəsi qazilərimizə həsr olunan futbol turniri təşkil edib.

İki gün davam edən turnirdə marketlər şəbəkəsindən 8 komanda iştirak edib. Yarışma başlamazdan öncə 44 günlük Vətən müharibəsi şəhidlərinin ruhu 1 dəqiqəlik sükutla yad edilib.

İki gün davam edən mübarizədə final oyunu qazilər tərəfindən böyük maraqla izlənilib.Çıxış edən “OBA” rəhbərliyi turnirdə iştirak etdikləri üçün qazilərimizə öz təşəkkürünü bildirib. Qeyd olunub ki, “OBA” marketlər şəbəkəsi olaraq bu turnirin təşkilindən və qazilərin orada iştirakından böyük qürur hissi duyulur.

Daha sonra qalib komandanın üzvləri qazilərimizə hədiyyələr təqdim edib və xatirə fotosu çəkdiriblər.